MASTER EN ASTURIANÍA

Todo esfuerzo exige una recompensa y el poder descifrar correctamente esta espléndida poesía llena de sapiencia, humor e inteligencia, es un buen premio para el lector con buen sentido del humor.

Xosé Caveda y Nava autor de ésta poesía, nace en Villaviciosa en 1.796 y fallece en Gijón en 1.882., poeta, ensayista, investigador, historiador, académico de la Lengua Española, de la de San Fernando y de La de Historia, periodista, diputado y mucho más...Gran parte de las palabras de dificil comprensión, se encuentran el el pequeño diccionario de bable que hay en ésta sección "de test de asturianía".

LA DEFENSA DEL PEU

Ansi como lo digo me da enfadu

El oyer á la xente que: é tenidu

Aquel que tira un pedu por malvadu,

Y que ye muy homilde y bien ñacidu

El que de vientu y fabes atacadu

Y estantín con elles embutidu

Encueye la regaña y no lu tira;

Anque revienta y de dolor s´estira.

¿Porque, nun ye pior, mas endecente

el mocu y el regüeldu y el gargaxu,

y pasen con too eso ente la xente,

que non echar el aire por abaxu,

anque non gólia á roses el so ambiente?

¿Non ye aquesto meyor que como un paxu

abierta la bocona se echa fuera

lo que por buen camín salir debiera?

El rutu siempre dexa tastu en boca

y vién con elli á veces un caldíu

qu´al mas pintau de súbitu s´enfoca

y el estómadu dexa desabríu;

pero si el aire acasu se desboca

por el tarzu, anque metiendo ruíu,

dexa con todo el cuerpu descansadu

y non como el regüeldu causa enfadu.

Siempre m´acordaré de que mió güela

me dixo munches veces cuando neñu,

aqui mesmo sentada na tayuela,

qu´el tener po los pedos y el despeñu

era cosa muy mala, y anque güela

a los qu´estén de llaua, non faga empeñu

en detenelos ñunca porque acasu

podiera asocedeme algun atrasu.

Pos, diz que ya se vió, non se que dia,

qu´un que yera a mió ver pocu atrevidu,

porque estaba dellante de so tia

y el respeutu lu tuvo contenidu,

al presu de contadu non abría,

sintiendo tanta llercia el aflixidu

que retorció una tripa y de contadu

sin aliendu cayó despanzurradu.

Ñunca tendré yo, ñunca, esi trabayu

porque siempre que pódia to tiralos.

Si quiso ser el otru un gran babayu

y escoyó mas morrise que no echalos,

non lo faré yo así; porque á destayu

anque fós xunta al Rey tengo soltalos,

riéndome ente tantu de la xente

que condena los peos inclemente.

Dichosu el padre Adán, que en campu rasu

co la regaña al aire, á sos anchures,

yos daba sin tropiezu francu pasu

esentu de melindres y veyures.

Bien llimpia la regaña con ñarbasu,

sin pizca de camisa y braga dures,

la zanca llevantando al aire llibre,

pedos soltaba del mayor calibre.

Y la so compañera arrespondía

co los suyos llivianos y atiplados,

en bona y envidiable compañía

y ayena de virgüenza y de coidados.

Qu´el peu entoncies ancha y franca via

afayaba e´nos montes y e´nos prados,

secu, breve, redondu, bien nutridu,

y non afumiaducu y encoídu.

¿Porqué ponéi al probe cortapises

si era solu del culu l´estornudu

y non causaba nin temor nin rises?

Al mundu pecador ñacia desnudu

pa morrer al estante ente les brises

y cuantu mas ensuchu y mas membrudu,

tantu mas gustu daba al que i abría

les puertes á la lluz del claru día